NorskEnglish 
Čálit!
 
Gielalaš gáldut

Sámi báikenamat mat sisttisdollet ee. namahusa bassi, háldi, sáivu ja álda, čujuhit bálvvosbáikkiide ja bassi báikkiide.

Sátnevádjasat sáhttet muitalit juoidá dološ áigge jurddašanvuogi, árbevieruid ja doahpagiid birra, ovdamearkka dihtii: Gávvilis olbmos leat eambbo juonat go suonat. Dat mearkkaša dan ahte lea buoret geavait juonaid go suonaid. Čujuha Beaivvi Bártni myhta-muitalussii.

Maiddái eaŋkil sánit ja dajaldagat sáhttet muitalit ovdalkristtalaš jáhku dahje oskku birra. Davvisámegillii lea dajaldat guovtti áimmu gaskkas, mii otne geavahuvvo olbmo birra gii lea cohcas. Sáhttá nu áddejuvvot ahte noaidi vuhtii válddii guokte máilmmi ja vádjolii dán guovtti máilmmi gaskkas.

Gáldut:
Mathisen, Hans Ragnar, 1991: Sámi kulturmuittut. Báikenammačoaggima giehtagirji.
Gaski, Harald ja Aage Solbakk (doaim.), 2003: Jođi lea buoret go oru.
Gaski, Harald, 2004: Tiden er et skip som ikke kaster anker – samiske ordtak.
 
Ceavccageađge/Transteinen i Mortensnes. Govva/Foto: Mihkku Solbakk