NorskEnglish 
Čálit!
 
Oaffaruššamat ja eará árbevierut

Oaffaruššanvierut ja eará árbevierut mat leat seilon maŋŋá miššonerema 1600-ja 1700-logus, leat dat ahte doahttalit bassi báikkid luonddus. Muhtun bassi várit ain doahttaluvvojit, ovdamearkka dihtii dan láhkai ahte dat eai namahuvvo namain.

Boares bálvvos- dahje oaffarbáikkit ja sieiddit maiddái eai leat vajáldahttojuvvon. Ain oaffaruššet bohccočorvviid, guliid, murjjiid, minttaid dahje eará biergasiid. Muhtumat sis geat oaffaruššet, leat dan jáhkus ahte leat sámi ipmilat dáin báikkiin. Earáide leat oaffaruššamat deaŧalaččat dan láhkai ahte doahttalit ja gudnejahttit máttarvánhemiid ja sin jáhku dahje oskku.

Myhtalaš sivdnádusat leat ain deaŧalaš oassin sámi duohtavuođa eallimis. Máŋggas jáhkket eatnanvuložiidda, ja muhtumat leat oaidnán daid ja háleštan gufihttariiguin. Stállu, Čáhcerávga dahje Guovdi geavahuvvojit mánáid bajásgeassimis vai eai hilboš dahje man váralaš sajiide.
 
Ceavccageađge/Transteinen i Mortensnes. Govva/Foto: Mihkku Solbakk