NorskEnglish 
Čálit!
 
Leastadianisma

Lars Levi Lćstadius lei Gárasavvon guovllu báhppa 1826-1849.

Lćstadius lei sámesogalaš ja eará báhpaid ektui son anii árvvus sámi giela ja kultuvrra. Son beroštii sámiid árgabeaivválaš eallimis ja son oaivvildii ahte báhpat ja eará eiseválddit berrejedje máhttit hállat sámegiela.

Son oinnii ahte alkoholisma dagahii sosiála váttisvuođaid sámiid gaskkas. Nu son bargagođii boktit sin ođđa kristtalaš eallimii. Son lei buorre sárdnideaddji, ja su sártnit eahpemorála ja alkohola vuostá bokte guldaleaddjiid dovdduid. Nu čuožžiledje lihkahusat mat šadde leastadianismma oskudovddaldahkan.

Leastadianisma šattai hui deaŧalažžan sámiide joavkun. Leastadialaš čoakkalmasat ja lihkahusat adde sámiide oktavuohtadovddu. Dát lei hui deaŧalaš vealahuvvon minoritehtii. Dasa lassin dat nannejedje iešluohttámuša danne go Lćstadius deattuhii sámegiela geavaheami. Lćstadius sámi giella- ja kulturbarggut leat leamaš nu deaŧalaččat ahte leat leamaš ávkin gitta dálá áigái.

Gáldut:
Kristiansen, Roald E.; 2005: Samisk religion og lćstadianisme.
Minde, H., 1998: Lćstadianisme – samisk religion for et samisk samfunn? Acta Borealia 1.
 
Lars Levi Lćstadius