NorskEnglish 
Čálit!
 
Nammaaddin meanut

Ovdal go mánná riegádii, de jámeš dagai iežas oainnusin eadnái ja dajai makkár namma mánnái galggai, čállá Isaac Olsen (Finnmárku). Mánná galggai šaddat dakkárin gean gáibmin šattai.

Jos mánná buohccái, de lei danne go namma lei giksin. Dalle bassojuvvui eret ja mánná oaččui ođđa nama man jámeš lei namahan. Jos son buohccái maŋŋá eallináiggis, de sáhtii dahkkot seamma láhkai. Danne seamma olbmos sáhtte lean iešguđet lágan namat eallináiggis.

Go kristtalašvuohta čađahuvvui, de mánát galge gásttašuvvot girkus. Sápmelaččat oaivvildedje ahte kristtalaš gásta dagai máná buohccin. Danne dat bassojuvvui eret, ja mánná oaččui ođđa nama.

Máttasámi guovllus "namma sjiele" (nammašiella) galggai biddjot čáhcái man galggai goivestit máná ala attedettiin nama. "Namma sjiele" sáhtii leat riekkis dahje áhta dahkkon danis, silbbas dahje messegis. Maŋŋá nammaaddima dat darvehuvvui máná biktasii suodjaleaddji šiellan. Gándamánát sáhtte maiddái oažžut "nammaguelie" (máttasámegillii), mii galggai veahkehit máná šaddat gievrras noaidin. Nammaguolli-vierru lea maiddái namahuvvon davvisámeguovllus.

Muhtun gáldut muitalit ahte máná nammaaddin galggai gudnejahttit nissonipmila Sáráhká.
 
Ceavccageađge/Transteinen i Mortensnes. Govva/Foto: Mihkku Solbakk