autodesk autocad structural 2015 creative suite 6 costs autodesk autocad buying access www.mobilesignalboosters.co.uk
NorskEnglish 
Čálit!
 
Jábmit ja eallit

Jábmiin lei sin iežas máilbmi, muhto sii geat ealli máilmmis ledje, sáhtte jábmiin veahki viežžat, ovdamearkka dihtii bearráigeahččat gottiid/bohccuid. Jábmit bohte iešalddis ruovttoluotta muitalit áhpehis nissoniidda makkár nama sin mánát galge oažžut.

Eanaš sápmelaččat jáhkke sii maŋŋá jápmima gárte Jábmiidáibmui. Doppe ráđđii Jábmiidáhkká. Muhtun guovlluin lei dat jáhkku ahte jábmit gárte maŋŋá jápmima sáivui, gos jápmán máttarmáttut orro. Sáivvus lei olu buoret orrut go ealli máilmmis. Muhtun gáldut namahit maiddái Rohttuáimmu, ilgadis jábmiidriika. Doppe ráđđii Rohttu, dávddaid ja jábmiid ipmil. 

Jos jábmit áŋggašedje ealli fulkkiideaset, de sáhtte viežžat sin friddjasielu jábmiidriikii. Dat sáhtii dagahit ealli olbmo buohccin. Noaiddi deaŧalaš bargun lei viežžat sieluid ruovttoluotta jábmiidriikkas.

Gáldut:
Rydving, Hĺkan, 1995: The End of Drum-Time.
Schanche, Audhild, 2000: Graver i ur og berg.
 
Govva/Foto: Mihkku Solbakk