NorskEnglish 
Čálit!
 
Goavddis – meavrresgárri

goavddis (davvisámegillii)
meavrresgárri (davvisámegillii)
gievrie (máttasámegillii)

Goavddis lei deaŧalaš neavvu noaidái.

Goavdái gulai bállin/veahčir ja vuorbi/veaiki/árpa ráhkaduvvon čoarvvis dahje messegis. Go noaidi dearppai goavdá bállimiin/veahčiriin, de jođašii vuorbi/veaiki govvosiid mielde mat ledje sárgojuvvon goavdá bajoža ala. Dán láhkai sáhtii noaidi einnostit ja oažžut oktavuođa ipmiliiguin ja vuoiŋŋaiguin. Gevahettiin goavdá noaidi sáhtii maiddái čákŋalit nuppi máilbmái.

Máttasápmelaččat geavahedje rápma- dahje geavregoavdá, ja davvisámiid goavddis lei muoras gohppojuvvon. Goavdáid vuođus náhkkesárgáid- dahje -báttiid geažis heaŋgájedje máŋggalágan čiŋat ja áđat: veaike- dahje silbarieggát, riebana ja guovžža guoccatdávttit, guovžža bánit ja gaccat jna., main lei noaidefápmu.

Miššonearat billistedje ollu goavdáid 1600- ja 1700-loguin. Muhto muhtumat sáddejuvvojedje máttás, omd. Našonála Museai Křbenhápmanis. Ollu goavdát bulle doppe stuorra buollimis jagi 1728. Otne leat áimmuin su. 70 goavdá.

Gáldut:
Leem, knud, 1767: Beskrivelse over Finnmarkens Lapper.
Manker, Ernst, 1938, 1950: Die lappische Zaubertrommel 1, 2.
Ottar 4, 1997: Noaidier og trommer.
 
Poala-Ándde goavddis/Anders Poulsens Tromme. Foto: Mihkku Solbakk