Čálit!
 
Šamanisma

Sámiid dološ osku gohčoduvvo dávjá "šamanisttalažžan". Šamanisma mearkkaša dan ahte muhtun olmmošjoavkkus lea vuoiŋŋalaš hoavda, "šamana", geas lei oktavuohta ipmil- dahje vuoigŋamáilmmiin.

Oktavuohta dáhpáhuvvá dávjá dan láhkai ahte hoavda jámálga ja čákŋala nuppi máilbmái. Leat sierralágan šamanisttalaš vuogit miehtá máilmmi, erenoamážit eamiálbmogiid gaskkas. Sátni "šamana" lea vuolgán Sibirjá gielain (evenka gillii: šamán). Sámiid gaskkas dákkár vuoiŋŋalaš hoavddain leat leamaš sierralágan namahusat. Davvisámis son lea gohčoduvvon noaidin.

1960-logu rájes oarjemáilmmi olbmot leat beroštišgoahtán eanet ahte eanet šamanismmas, ja dagahan dan mii otne gohčoduvvo namahusain "ođđaáigásaš šamanisma" dahje "ođđašamanisma".
 
Ceavccageađge/Transteinen i Mortensnes. Govva/Foto: Mihkku Solbakk