NorskEnglish 
Čálit!
 
Nisson noaiddit

Muhtun gáldut namahit ahte nissonat maid sáhtte doaibmat noaidin.

Nu mo almmáiolbmo noiddiin ledje, de ledje nisson noiddiin ge sierranas návccat ja fámut. Muitalusat muitalit nisson noiddiid birra geat sáhtte sirdit sulluid. Earát gis sáhtte dagahit neavrres dálkkiid dahje dearvvasmuhttit siidda olbmuid.

Miššoneara Hans Skanke dieđuid mielde nissonat geavahedje earret eará niibbiid, ákšuid, geđggiid ja boahkániid einnostit dahje oažžut oktavuođa ipmiliiguin ja vuoiŋŋaiguin. Muhtun gáldut namahit ahte nissonat geavahedje maiddái goavdáid/meavrresgáriid.

Eará gáldut gis namahit ahte nissonat eai ožžon guoskkahit goavdá, eai ožžon lobi boahtit sisa goahtái boaššouksaráigge. Boaššu lei goađi bassi báiki gos goavdá áimmahušše. Nissonat eai galgan mátkkoštit seamma luotta/bálgá mielde go goavddis ovdal go unnimusat golbma jándora ledje gollan.

Dát vuostálasti dieđuid sivvan dáidet leat dat ahte árbevierut ja dábit leat leamaš iešguđetláganat guovllus guvlui áiggiid čađa.

Gáldut:
Bäckman, Louise, 2003: Noajdens initation, girjjis: Erikson, Jörgen: Samisk shamanism.
Lilienskiold, Hans H., 1998: Trolldom og ugudelighet i 1600-tallets Finnmark.
Lundmark, Bo, 1987: Rijkuo-Maja and Silbo-Gĺmmoe, girjjis: Ahlbäck, Tore: Saami Religion.
Ottar 4, 1997: Noaidier og trommer.
Pollan, Brita, 1993: Samiske sjamaner.
Rydving, Hĺkan, 2003: Tradisjonell nordsamisk religion omkring ĺr 1700, girjjis: Sveen, Arvid: Mytisk landskap.
 
Ceavccageađge/Transteinen i Mortensnes. Govva/Foto: Mihkku Solbakk